ဆုတောင်းကတ်မည်

ဆုတောင်းကတ်မည်
-------------------
အထက်မှာရာလည်း သံဖြူ
အောက်မှာရာလည်း ပျိုင်ချပ်
အလယ်ကောင်မှာ မှန်ဘောင်သပ်လို့a
ဗောဓပ်ကျောင်းမှာ
အပွင့်မှာရာလည်း ၀ါဝါ
အညှာမှာရာလည်း မဲမဲ
ပန်းမစင်ကို တင်သီခလို့
မေနှင့်မောင်မှာ မပေါင်းရဘဲ
ကွဲရရေလား ပုယေ --။

ဒေဘ၀ီဒေဘ၀မှာ မပေါင်းရသော်လည်း
နောင်ဘ၀ီနောင်ဘ၀မှာ ပေါင်းရလီအောင်
တိရိစ္ဆာန် အမှန်ရလည်းစင်စစ်
နွားလီလီလေ နွားပင်လည်းဖြစ်ငြား
တသျှိုင်းတည်းထွန် တခြံတည်းနွား
တခုံးတိုင်မှာ ချိုင်ကာထားကေ
စားရပါစီ ပုယေ --။

တရိစ္ဆာန် အမှန်ရာလည်းစင်စစ်
ငှက်လီလီလေ ငှက်ပင်လည်းဖြစ်ငြား
မောင်ကားဂြိုးဘို မေကားဂြိုးမ
တလင်းရာမှာ ၀ဲကာကျကေ
စားရပါစီ ပုယေ --။

ဘုရားပေါ်ကံကော်တောသို့
မေယင်ယင် မေယင်သော်လည်း မေစောင့်နီဝေ
မောင်ယင်ယင် မောင်ယင်သော်လည်း မောင်စောင့်နီမေ
ဆီမီးရာလည်းတတိုင် ပန်းတခိုင်နှင့်
ပျိုင်တချပ်မှာ
နှစ်ယောက်ထိုင်ကေ တူပြိုင်လောင်းလို့
ဆုတောင်းကတ်မည် ပုယေ --။

(ရမ်းဗြဲကျွန်းမှာ ဇမ်းကဗျာ)

(ဗောဓပ်ကျောင်း) ဆိုသည်မှာ ပြဿပ်အဆင့်ဆင့်ဟိသော ဘုန်းတော်ကြီးကျောင်းကိုဆိုလိုပါသည်။

(ငှက်လီလီလေ ငှက်ပင်လည်းဖြစ်ငြား၊ မောင်ကားဂြိုးဘို မေကားဂြိုးမ၊ တလင်းရာမှာ ၀ဲကာကျကေ၊ စားရပါစီ ပုယေ) ဆိုသည့်အပိုဒ်တွင် (တလင်းရာမှာ ၀ဲကာကျကေ) ပြီးနောက်တွင် (စပါးတခွံ၊ ဆန်ကိုတစိ) ဆိုသည့်အပိုဒ်တပိုဒ်ကျကျန်ခသိမ့်သည်။ 

ယင်းကို ပြည်ထဲမှာဟိသော ရမ်းဗြဲကျောက်ဖြူဖက်ကလူများ ပြည့်စုံအောင်ပြန်လည်ဖြည့်စွက်ပီးကတ်ရန် လိုအပ်သည်။

ရခိုင်စာပီ မဂ္ဂဇင်းမှ ကူယူထားပါသည်။