အဖော်မဲ့ အထီးကျန်နှလုံးသား
တမ်းတမှု အရှိန်က နှိုင်းဆမဲ့
အိပ်မရ ညချေတိထဲက
တစ်ခုသောညမှာ
တစ်ယောက်တည်း ငေးမှိုင်
စိုရွှန်းမျက်ဝန်း နန့် အာကာပြင် ကိုမော့ကြည့် မိခါ
ပျင်းခြောက်ခြောက် လဗချေမှာတောင်
ဖြူဆွဆွ တိမ်စိုင်ခဲ အဖော်ချေတိနှင့်
ဗြုန်းခနဲ ဆိုရေပိုင်
မိုးသားချေတိ လွင့်ပြယ်လားကတ်တေ
စိတ်ကူးချေတိနန့် မျောလွင့်နိန်တုန်း
ချစ်သူက နံဘားချေမှာလာထိုင်ရေ
အနှိုင်းမဲ့ ပျော်ရွှင်ခြင်းတိနန့် ဖက်ထားမိလိုက်
နှစ်သိမ့် နှုတ်ခမ်း
အားပီး အပြုံးတိနန့်
ကြည်နူး မျက်ဝန်းချေတိကြောင့်
လန်းဆန်းခရေ ငါ့နှလုံးသား
လန့်နိုးလာခါမှ “အိပ်မက်”........မှန်းသိလိုက်ရရေ
တနားချေစိုပြေခရေ အသဲချေက
ပြန်ပနာ နွမ်းခြောက်ရယာမနားလေ.....
“မိုးသားအဖော်ပြု လဗချေပိုင်ယာလေ”
အိပ်မက်တိက မိုးသားချေတိပိုင် ပြယ်လွင့်လားလို့
လဗချေပိုင် ငါ့နှလုံးသားလည်း
နဂို အတိုင်း အဖော်မဲ့ကျန်ခယင့်
..............
ယကေလည်းသော့လေ
ထာဝရမဟုတ်ဘဲ တစ်နားချေ
နှစ်သိမ့်အားပီးရေ ကြည်နူးခွင့်ချေကိုတောင်
တစ်ကမ္ဘာလို့ ထင်မိစွာတော့ အမှန်ရာ .....
ဗြမ်းစီကာရ ၀သီ blog ကပါ။
0 comments:
Post a Comment