စစ်တွေလမ်းတိကို
နွီးဦးရောက်လာစွာက
မိသားစုပြိုကွဲ မြစ်ဘေးမှာဘဝပျက် လွမ်းနိန်ပုံမျိုး
ပျိုဖို့ပြင်နိန်ရေ ဒုန်နာလမ်းထက်တို့
ဥသြကရွက်သီတိကို နှင်ချလိုက်တေ။
စစ်တွေလမ်းတိကို မိုးရောက်လာစွာက
ကရက်ယစ်နန့် သမီးကိုကွာနှက်နိန်ပုံမျိုး
စုတ်ပဲ့ရေလမ်းတိကို ရီတိဖုံးထားယင့်
အပုပ်တိ အမှိုက်တိပွဲတော်ကျလို့ယေ။
လာဗျာယ်…
ဟိမဝန္တာ ဝေသာလီက မြောက်လီလာဗျာယ်
စစ်တွေလမ်းတိကို ဆောက်ရောက်လာစွာက
ပလ္လင်တောမိုးထ
မိသားစုလမ်းလျှောက်ထွက်လာ ရေပိုင်
ဂြိုးသျှေတေးဆိုရေ
စိုင်းဒြားမြင်းခွာတိ ဟာမိုနီလိုက် လို့။
သုံးရာသီမှာ ဆောင်းကိုရာချစ်တေနှလုံးသား
ဇာချင့်တိမှားခပါလေ
စစ်တွေလမ်းတိမှာ
မိသားစု ဂြိုးငှက်နန့်နှင်းစက်တိရာ
ငါဖွဲ့ချင်ရေ။
စာရေးသူ…..မောင်ခိုင်အောင်
0 comments:
Post a Comment