ဘုရင်မင်းဘာကြီး
မာစီဒီးမစီးခရစွာ
သရော်စရာလား……။
လေဒီဒိုင်ယာနာ
လျှာပူအာပူမစားဖူးခ
ရှုတ်ချစရာလား….။
မာစီဒီးမစီးရကေလေ့
မင်းဘာကြီးဘဝမှာ
ကန်ကမကန်စည်းစိမ်
ဂိုဏ်ရှိန်မလျော့။
လျှာပူအာပူမစားရကေလေ့
မိဖုရားလောင်ဒိုင်ယာနာ
လျှာအရသာခံစရာ
အရာစွာတိအပြည့်။
သူ့ခေတ်သူ့အခါ
သူ့နေရာ သူ့ဒေသ
ဒေချင့်ကမဟိ
ထိုချင့်ကိုမသိ
မဟိကာယေကေ…လို့
ရှည်လျားပေတံ၊ အခြေခံနန့်
ဝေဖန်စရာမလို
တစ်ဖက်မြင်အပျက်တိနန့်
ငယ်ထိပ်ကိုဖနောင့်ကိုက်
ကထိုက်ကရိုက်စွပ်စွဲ
အယူကွဲစံ၊ အငြင်းသန်ရေ
ပေတံအဆိုး
ဖဲ့ချိုးဝေးပလိုက်
ခေတ်စနစ်အချန်အခါ
ကာလဒေသပယောဂကို
အလှပချိန်ဆ နားလည်းရဖို့
မျှတလျော်ကန်အယူမှန်ရေ
ဝေဖန်ရေးလီညှင်း
ပန်းသတင်းဆောင်ပနာ
လောကပြုတင်းကို ဝင်လာနိုင်ဖို့အတွက်
နက်ဖြန်ခါမုန်တိုင်း---။
(စာရေးသူ…စစ်တွေညိုသန့်)
0 comments:
Post a Comment